Жаңалықтар
Аудандық педагогикалық идеялар фестивалі
- Толығырақ
- Жарияланды 03.04.2019 06:48
2019 жылғы 2 сәуір күні Ш.Айманов атындағы жалпы орта білім беру мектеп-интернатында тұңғыш рет «Асқар Әкелдіұлы Лекеров атындағы аудандық педагогикалық идеялар» фестивалі өтті. Педагогикалық идеялар фестивалінің мақсаты мұғалімдердің бойындағы табиғи талантты анықтау және мадақтау. Педагогикалық идеялар фестиваліне аудан бойынша бес бағыттағы секция жұмыстарына 135 мұғалім және Асқар Әкелдіұлымен қызметтес болған әріптестері мен жора-жолдастары қатысты.
Фестиваль шымылдығын Ш.Айманов атындағы жалпы орта білім беру мектеп-интернатының қазақ тілі мен әдебиеті пәнінің мұғалімі Таңат Қуанұлы Ахатов «Ағаға»тақырыбындағы жыр арнауымен ашты. Білім бөлімнің басшысы Асылхан Манарбекұлы Мүбәрак пен құрметті қонағымыз Павлодар облысы Білім беру басқармасы басшысының орынбасары Жомарт Петрович Қарамбаев, Тамара Николаевна Иванова және Дайрова Айтжамал Қабиденқызы құттықтау сөз кезегімен жалғастырды. Халықаралық, Республикалық байқаулардың жеңімпаздары «Баян сұлу» үлгілі би ұжымының орындауындағы «Балауса» биі мен Тілек Магуловтың орындауындағы «Ұстазым» атты әні көрермендердің көңілінен шықты.
Аудандар арасында ХVІІІ облыстық қысқы спартакиадасының ҚОРЫТЫНДЫСЫ
- Толығырақ
- Жарияланды 29.03.2019 06:48
Үстел теннисі, шахмат, дойбы облыстық аудандар арасындағы жарыста Баянауыл ауданының құрама командасы топ жарды.
Атап айтатын болсақ, үстел теннисінен Б.Хайдаров атындағы ЖОББМ-нің оқушылары қатысып, Ұладар командасы Сапар Ерғанат, Кәрібай Қайырбай, Жәкеш Олжас.
Қыздар командасы Зейнулла Айзере, Кәрібай Айназ, Қуанышқызы Ақбота жалпы командалық есепте І орын иеленді. Жетекшісі: Д.Б.Жапенов.
Шахмат жарысында Баянауыл құрама командасы ІІІ орын иеленді. Шотбаев Даниял, Әбіл Жарқын, Әбдікен Санжар, Қабдолла Ділназ, Кенжебекова Жанель. Жетекшісі: Т.А.Сатжанов.
Дойбы жарысында Баянауыл командасы І орын иеленді. Төлепберген Адай, Еділ Данара, Жакенов Ержан. Жетекшісі: Т.Хурманбай.
«Мұражай-тарих айнасы» облыстық семинар –практикум
- Толығырақ
- Жарияланды 27.03.2019 06:48
2019 жылдың 26 наурызында Ш. Айманов атындағы жалпы орта білім беру мектеп-интернаты ұжымы «Мұражай- тарих айнасы» тақырыбында облыстық семинар-практикум өткізді. Семинардың мақсаты: мектеп мұражайының жұмысын көрсету, Елбасымыздың «Ұлы Даланың жеті қыры» мақаласын қатысушыларға түсіндіру, талдау. Өлкеміздің тарихи – мәдени мұрасына тарту маңыздығын және өз Отанына деген мақтаныш пен құрмет сезімін ояту бойынша өткізіліп жатқан жұмыстарының маңыздылығы және өзектілігі жайында ой қалдыру.Семинарға Павлодар облыстық «Өрлеу» педагогикалық қызметкерлердің біліктілігін арттыру институтының мұражай бөлімінің бастығы Әлия Рахметжанқызы Жүнісова, Баянауыл аудандық білім беру бөлімінің әдістемелік кабинет басшысы Гулнази Зейноллақызы Нұртаева, білім бөлімінің әдіскері Айгүл Ырсымбекқызы Оразалина және аудан мектептерінен 24 мұғалім қатысты.
«Білім беру мазмұнын жаңарту аясында заманауи педагогикалық технологияларды тиімді қолдану» атты аймақтық семинар өтті
- Толығырақ
- Жарияланды 15.03.2019 06:48
2019 жылғы 15 наурыз күні Жүсіпбек Аймауытов атындағы жалпы орта білім беру мектебінде «Білім беру мазмұнын жаңарту аясында заманауи педагогикалық технологияларды тиімді қолдану» тақырыбында семинар өтті. Семинардың негізгі мақсаты жаңартылған білім беру бағдарламасында оқу мақсатына тиімді әдіс-тәсілдерді қолдана отырып жету. Семинарға Баянауыл аудандық білім бөлімінің әдіскерлері мен бес мектептен 29 бастауыш сынып мұғалімдері, математика, биология, қазақ тілі, физика, орыс тілі, ағылшын тілі, өзін-өзі тану,денешынықтыру мұғалімдері және кітапханашылар қатысты.
1-сыныпта математика пәнінен «Азайту амалына берілген есептер» тақырыбында Гүлмира Қызырқызы Ғалижапарова, 3-сыныпта қазақ тілі пәнінен «Наурыз –жыл басы» тақырыбында Сандуғаш Қайроллақызы Әблешева, 2-сыныпта қазақ тілі пәнінен «Дара және күрделі зат есімдер» тақырыбында Назым Сайдығалиқызы Қадыр, 7-сыныпта ағылшын тілі пәнінен «Refugees and natural disasters» тақырыбында Ботагөз Асқарқызы Қожанбаева, 8-сыныпта биология пәнінен «Эндокриндік бездер қызметінен туындаған аурулар» тақырыбында Айымжан Сайдығалиқызы Байжанова, 5-сыныпта қазақ әдебиеті пәнінен М.Қабанбайдың «Бауыр»тақырыбында Салтанат Сәрсенбайқызы, 8-сыныпта қазақ әдебиеті пәнінен М.Мақатаевтың «Аққулар ұйықтағанда»тақырыбында Перизат Нәсірқызы Садықова, 3-сыныпта орыс тілі пәнінен «Казахский соловей» тақырыбында Алтын Хозыхан, 7-сыныпта физика пәнінен «Қуат»тақырыбында Нәзгүл Әнуарбекқызы Ахтаева, 9-сыныпта алгебра пәнінен «Тригонометриялық функциялардың қосындысы мен айырымын көбейтіндіге түрлендіру»тақырыбында Шынар Салауатқызы Байгелова, 10-сыныпта өзін-өзі пәнінен «Тылсым дүние ғажаптары»тақырыбында Марал Төлегенқызы Бейсекеева, 6-сыныпта денешынықтыру пәнінен «Гимнастикалық жаттығулар»тақырыбында Бауыржан Болатбекұлы Елубаев жаңартылған бағдарламалар аясында жаңа амалдарды қолдана отырып, тәжірибелік сабақтар арқылы өз шеберліктерін көрсетті.
«ХV аймақтық Мәшһүр Жүсіп Көпеев оқулары»
- Толығырақ
- Жарияланды 06.03.2019 06:48
Мәшһүр Жүсіп Көпейұлы атындағы жалпы орта білім беру мектебінде «ХV Мәшһүр Жүсіп оқулары» аймақтық ғылыми-тәжірибелік конференциясы өтті.
«Алдыма өлең жаз деп қағаз келген, Сөзімді сөйлеп бақтым мен де білген», «Бас болып өнер білсең, тіпті жақсы», «Білімді зерек адам болам! - десең, Қара өзіңді басқаның айнасымен», «Мәшһүр Жүсіп шығармалары және Ұлы даланың ұлы есімдері» мен «Жерімде жүрген-тұрған сөзім қалған...» сынды бес бағыттан тұрды.
Конференцияның секцияларында Павлодар мемлекеттік университетінің филология ғылымдарының докторы, профессоры Серік Елікбай, ҚР мәдениет қайраткері Павлодар облысының тілдер және мәдениет бөлімінің басшысы Нұғыман Төлегенұлы, Павлодар мемлекеттік университетінің «Мәшһүртану ғылыми практикалық орталығының директоры, филология ғылымдарының кандидаты, профессор Ертай Жүсіпов, ҚР үздік өлкетанушысы, Баянауыл мемлекеттік ұлттық табиғи паркі, туризм жөнінде экскурсия нұсқаушысы Алтынбек Құрманов, Мәшһүр Жүсіп Көпейұлы мұражайының директоры Қажымұқан Пазылов, Мәшһүр Жүсіп Көпейұлының шөбересі Әсет Пазылов қазылық етті.
«Рухани жаңғыру» кабинеті ашылды
- Толығырақ
- Жарияланды 06.03.2019 06:48
Баянауыл ауданындағы З.Ақышев атындағы жалпы орта білім беру мектебінде осыдан жиырма жыл бұрын мектеппен қоштасқан түлектердің сыйға тарту негізінде «Рухани жаңғыру» кабинеті ашылды. Елбасының бағдарламалық мақаласының 2 жыл толуына орай құрылған кабинетте еліміздің бай тарихы мен мол мұрасы жинақталған. Мұнда Ертіс-Баян өңірінің танымал тұлғаларымен қатар «100 жаңа есім» жобасына енген жерлестеріміз, қазақ әліпбиінің шығу тарихы туралы да толымды мағлұмат берілген. Ертіс өңірі ежелден танымал тұлғаларға бай мекен. Сондықтан, ауданның мақтан тұтар тұлғаларын кейінгі жастарға таныту басты мақсат. Осы орайда ауданда алғашқы «Рухани жаңғыру» кабинеті ашылды. Бұл енді еліміздің тарихынан сыр шертіп, өскелең ұрпақтың рухани азықпен сусындайтын ордасына айналмақ.
«Оқушыларымыздың білімін де тәрбиесін де, рухани өздерінің жаңғыруын да, және де қазағымыздың салт дәстүрін дәріптеу де негізгі мақсат болады деп ойлаймын. Болашақта «Рухани жаңғыру» кабинеті пән сабақтарын өткізетін орын ғана емес, тағылымды тәрбие беретін мекенге айналады»,-дейді З.Ақышев атындағы жалпы орта білім беру мектептің директоры Дүйсен Байронұлы Төлеутаев. Алдағы уақытта мектеп әкімшілігі оқушылармен кездесуге өңірімізден 100 жаңа есімге енген тұлғаларды да шақыруды жоспарлап отыр. Шара соңы облыстық «Шаңырақ» жобасының тұсаукесер рәсімімен және әсем әнге ұласып, тілек білдірумен аяқталды.
